| 12月8 日 係慈幼既大日子, 亦都係慈幼仔既大日子 返到學校, 真係變左好多, 地下既課室門口 都放滿長櫈. 以後既慈幼仔可能無左我地以前坐地下, 吹水, 抄功課既樂趣 多左好多新面孔, 好多唔識既老師, 而且係二樓仲多左個教員室 "雞包"成日話要換晒慈幼既瘀血學生 但我真係見唔到有咩唔同, 唔同既係 好多好老師都走晒.... 不過仲有好多熟既miss, sir. 數神, isabella lo, fancor die, maria, 肥謝, 佑榮,
等等... 仲有老劉, 佢仲記得我地, 可能以前比佢捉得多.. 返到去睇返d課室, 以前既畫面都出返晒黎 好想再做返學生, 係課室上堂,
沈sir仲話如果我地想, 可以開門比我地入去坐下 ----------------------------------------------------------------------------------------------------------- 傾傾下計, 知道學校係3年之內會重建, 都岩ge,
100年lu...到時唔知學校會搬去邊呢? 聽聞會借學校先, 直到重建完, 到時d人咪無得上機電工科??? 知道係校運會, 區sir比人罵,
開頭我對"雞包"都無咩野, 佢係無理d, 但出發點都係好ge 知道區sir原來係比佢罵, 好想知道發生咩事,
聽聞係因為校運會既5000m 長跑, 歷年來5000m都有分歡樂組同爭標組,
歡樂組通常都係F6既同學著班衫玩, 最後一年ar ma 我地上年都係咁玩la, 仲玩到全場勁high tim la, 佢都唔罵,
唔通升左做副校就連呢d都唔比? 佢當場罵區sir 無紀律, 比d學生係度咁玩, 區sir火都黎埋就同佢對罵. 真係無理....咁你都唔比...都唔知你點諗. 鮑思高神交講過,
「你們儘管玩吧！跳吧！吵鬧吧！只要你們不犯罪就好。」 睇黎你唔岩係慈幼做, 以前我地認為最惡既老劉, 都教我地,
「慈幼仔, 玩既時候要盡情玩! 讀書既時候就要認真讀, 唔好因為玩而唔讀書就得」 我希望你咁既教育作風唔會令到慈幼仔既風格無晒la,
如果你真係得既就希望你盡力將慈幼從水深火熱中救出。 |
